Shortlist | Poetry

Baarish Me Jhumti Gudiya

Hitesh Anandani, a student at SM Patel Institute of Commerce, Ahmedabad, sent his poem Baarish Me Jhumti Gudiya for the ATKT.in Shortlist.
 
Aaj gudiya jhum uthi, jab me laaya tha daalwade baazar se
phir biwi ne pilayi,adhrak wali chai bade pyaar se…
T.V. chalu ki toh pata chala ke bhaari baarish ka anumaan tha,
par chinta nhi, kyuki ghar par har zaruri saamaan tha…
Wo radio jockey Ayushmaan ka ‘Paani da Rang’ baja raha tha,
aur upar betha megh raja sath sath humari baja raha tha…
Ab na T.V., na radio, samachaar bata raha tha,
humari area ka bijli ghar khud ko laachar bata raha tha…
Andhere me mobile me khel rahe the hum ludo game,
sath sath uparwale ko kar rahe the blame…
Paani pine ke liye Sintex ki tanki khali thi, na koi bor tha,
phir bhi pani se bhara hua,pura ground floor tha…
Hum raste pe na aa jaye, yeh sochke rakha tha jo zaruri saamaan,
wo zaruri saaman behte behte, khud behte behte raste pe aa gaya…
Jhopdi me rehte logo ke sath-sath mere mobile ki battery bhi dead ho gyi.
Pados me rehta ek wafadar Sheru, aaj kutte ki maut mar raha tha,
toh dusri taraf 1st floor pe paani aur mere andar ghoosa bhar raha tha…
Phir ghar ki diwaar ke sath sath meri ummeede bhi toot gayi,
aaj meri gudiya, mandir me rehte gudiya se ruth gayi…
Phir baarish thami, helicopter aaye, food packet me theple, biscuit, aur wafer the,
par raste ka bikhari, Radha-Krishna ki jodi, aur meri family teeno beghar the…
Wo baadal se barasta paani ko muh tod jawaab de sake, itni mere aankh se behte paani ki aukaad nahi hai,
ab ghar toh nahi, par isse zyaada dukh is baat ka hai, ke uss ghar me jo dalwade aane pe jhumti thi, aaj wo aulaad nahi hai…
Khair, ab wo radio jockey ‘Paani da Rang’ nahi baja raha tha,
kyuki ab paani da rang, radio studio ki baja raha tha…

Check out other Shortlist entries here.

You, too, can be a part of the ATKT.in community! If you’re a writer, poet, artist, or can take the stage by storm, hit us up here.

By the ATKT.in Editorial Team.