Shortlist | Poetry

‘Ya Fir Pasand Nahi Main Tumko’

Parth Jariwala, a 20 year old poet from Surat, Gujarat, sent us his poem for the ATKT.in Shortlist. Check it out!

Tujhe meri baatein samaj nahi aati
Ya meri baato pe yakin nahi tujhko
Meri mohabbat par bharosa nahi
Ya fir pasand nahi main tumko…

Tu galti kare fir tujhse pyaar se baat karun,
Tu kisi aur ke saath vaqt guzaare,
Aur mujhe jalan na ho,
Yeh dikhaava humse nahi hota…
Main apne aehsas ko zaya nahi hone dunga.
Tum batao zara,
Kya mere pyaar ka aehsas nahi?
Ya fir pasand nahi main tumko…

Ye jo couple wali harqat hoti hai na –
Jaise ki main tere baalon se khelu,
Tere gaalon pe haath sehraaun,
Ek coffee dono share kare,
Kya tujhe mera saath accha nahi lagta?
Ya fir pasand nahi main tumko…

Main tere baare mein itna sochta hu,
Tujhe andaaza bhi hai?
Ki dinn-raat tujhe hi khojta hu
Tujhe pata bhi hai?
Par theek hai…
Shaayad tera ishq muqammal ho,
Voh laqeerein mere haathon mein na hogi…
Par tu ek baar saath dena, main taqdeer badal dunga.
Accha ek baat bata tu,
Mere hosle par yakeen hai?
Ya fir pasand nahi main tumko…

You, too, can be a part of the ATKT.in community! If you’re a writer, poet, artist, videographer, or can take the stage by storm, hit us up here.

By the ATKT.in Editorial Team.